Likaj: 90 % e të testuarve ngelin në provimet e patentës, nuk ulen të lexojnë

Eksperti i Sigurisë, Fadil Likaj është shprehur se 90% e të testuarve kanë ngelur në provimin e patentës.

Në një intervistë për emisionin “Good Morning Albanians”  në Euronews Albania, ai tha se kursantët nuk ulen të lexojnë dhe patentën e marrin si një gjë të lehtë.

Më tej ai theksoi se ka persona që edhe pse kanë vite që janë në kurs të patentës nuk i kanë marrë provimet.

“350 aplikantë kanë aplikuar për të marrë lejen e drejtimit, dhe nga këta është konstatuar se 90% e tyre janë ngelës. Mendoj se nuk ulen të lexojnë dhe të mësojnë rregullat. E marrin shumë lehtë dhe mendojnë se në Shqipëri çdo gjë bëhet.  Po të bësh një auditim ka persona që dhe pse kanë vite që bëjnë kurs nuk e marrin patentën”- tha ai.

LEXONI GJITHASHTU: 

• Tiranë: Escobar bën thirrje për kandidatë me integritet në zgjedhje
• 90% e atyre që humbasin patentën ngelin në ritestim