Eksperti i marrëdhënieve ndërkombëtare, Enri Hide tha për “Now me Erla Mëhillin” se Greqia me qëndrimin që po mban ndaj Shqipërisë nuk do që të tregojë vullnet për bllokimin e hapjes së negociatave aq sa do të tregojë se mund të pengojë në vazhdimësi komponetët që lidhen me interesat e saj në momentin e negociatave.

“Mendoj se ndoshta kjo është vetëm një shenjë vullneti për të treguar se tashmë Greqia dëshiron diçka dhe në këmbim të saj është e gatshme që të vendosi shkopinj ndër rrota në procesin e Shqipërisë drejt Bashkimit Europian, nga ana tjetër mendoj që ky është një test i parë për të treguar se deri ku mund të shkojë Greqia në momentin që do të hapen negoaciatat ,” – u shpreh Hide.

Sipas tij ky është thjesht një proces teknik dhe nuk ka asnjë prapavijë diplomatike apo strategjike për të dy palët.

LEXONI GJITHASHTU:

• Çani: Greqia s;tërhiqet, Rama ka marrë peng Belerin. Athina do i mbrojë grekët e vet
• Manjani: Beleri s’ka lidhje me Greqinë, le t’i japin drejtim institucionet shqiptare