Manjani: Beleri s’ka lidhje me Greqinë, le t’i japin drejtim institucionet shqiptare

Ylli Manjani tha se çështja e Fredi Belerit i takon tërësisht shtetit shqiptar dhe nuk ka asnjë lidhje me Greqinë.

Ai u shpreh për “Now me Erla Mëhillin” se i takon institucioneve të vendit t’i japin drejtim situatës.

“Kjo diplomaci është një gjë që unë nuk e kam shumë qejf, përkundrazi gjithë jetën time e kam urryer. Diplomaci do të thotë të gënjesh kështu që në vetvete s’e kam qejf si metodë pune. Unë mendoj që çështja Beleri nuk ka lidhje me Greqinë dhe i qëndroj kësaj bindje. Çështja Beleri ka lidhje me Shqipërinë, i takon 100% shqiptarëve, institucioneve tona që t’i japin drejtim. Është një çështje që ka të bëjë me shtetin tonë dhe funksionimin e drejtësisë. Për shumë arsye që i kemi thënë gjatë gjithë kësaj kohe, unë kam qenë nga të parët që kam bërtitur për këtë çështje sepse mënyra se si u ekzekutua një arrestim në flagrancë pa elementë flagrance nuk i shkon për shtat ligjit shqiptar dhe asnjë ligji demokratik. Është një çështje që ka dalë nga zyrat e policisë dhe shkon fill pas një deklarate të kryeministrit të Shqipërisë që do të merrej personalisht me këtë çështje dhe e marra personalisht ishte arrestimi dy ditë para zgjedhjeve. Këto janë fakte publike dhe duhet t’i lidhim këto gjëra,” – u shpreh Manjani.

LEXONI GJITHASHTU:

• Dyrnjaja: Beleri s’mund të ushtrojë funksionin, s’e lejon ligji i dekriminalizimit
• “Nuk e zgjodhi Berisha”- Vangjel Dule: Beleri është i burgosur politik