Eksperti Ibishi: Në UNMIK ka rusë, kërkesë që fletarresti të injorohet

Ditëve të fundit, është raportuar se Rusia ka lëshuar fletarrest ndërkombëtar për disa zyrtarë të njësive elite të Policisë së Kosovës.

Ministri i Punëve të Brendshme, Xhelal Sveçla deklaroi për mediat vendase se janë informuar zyrtarisht për fletarrestin ndërkombëtar ndaj komandantit të njësisë speciale, Besart Ahmeti.

Nuredin Ibishi në një intervistë për Euronews Albania, theksoi se në UNMIK ka elementë të ndryshim, përfshirë rusë, kinezë e bjellorusë që sipas tij i shërbejnë Serbisë.

Sipas  tij zyrtarët duhet të jenë të kujdesshëm nëse ky njoftim shkon prej zyrës sonë apo prej Interpolit shqiptar.

Mës tej ai nënvizoi se duhet të dërgohet një kërkesë që ky urdhërarrest të injorohet.

“Në UNMIK ka elementë të ndryshëm, ka rusë, ka kinezë e bjellorusë që janë argatë të Serbisë. Duhet të dërgohet një kërkesë jo vetëm prej Interpolit të Kosovës që kjo urdhëresë për fletëarrest të injorohet pasi është pa baza dhe çështja tjetër është që të mos e përkrahin vendet demokratike. Ca zyrtarë duhet të jenë të kujdesshëm nëse ky njoftim shkon prej zyrës sonë apo prej Interpolit shqiptar. Është e domosdoshme një kërkesë për injorim”-tha ai.

LEXONI GJITHASHTU: 

• “Bashkimi në PD ka filluar”- Alimehmeti detaje për Këshillin Kombëtar
• Borrell kërkon armëpushim të menjëhershëm në Gazë