Eksperti i sigurisë, Drizan Shala tha në një intervistë për Euronews Albania se takimi mes Vjosa Osmanit dhe Jens Stoltenberg nënkupton një rikthim të Kosovës në arenën ndërkombëtare.
Edhe pse takimi nuk ka shkuar siç pritej, sipas ekspertit, kjo nuk e zbeh rëndësinë e faktit që shefi i NATO-s ftoi presidenten e Kosovës.
“Nuk e pritëm një deklarim të ashpër të sekretarit të përgjithshëm të NATO-s, në radhë të parë me çështjet politike dhe të sigurisë në pjesën veriore që i takon Kosovës. Mbi të gjitha mund të themi tanimë se institucionet e Republikës së Kosovës, qeveria e Kosovës do të duhej të merrte shumë seriozisht kërkesat dhe sugjerimet, por në këtë rast ishte një urdhër në formën deklarative të cilën e ka bërë shefi i NATO-s. Kjo konfirmon faktin që Kosova deri më tani në pjesën vizuale na është dëshmuar që s’kemi qenë të koordinuar me faktorin ndërkombëtar dhe si pasojë qëndrimi tanimë është shumë i prerë dhe shumë i qartë se njësitë e specializuara të qeverisë së Kosovës nuk do të mund të lëvizin në pjesën veriore pa një dakordësi paraprake me komandatin e KFOR-it,” – u shpreh Shala.
LEXONI GJITHASHTU:
- “Të rinjtë sot janë të lodhur”, Klodiana Shala: 40-vjeçarët janë më të fortë
- Shala: Nëse qeveria nuk gjen një urë bashkëpunimi, do kemi konflikt civil në Kosovë