Ekspertja e Arsimit: Në institucionet arsimore mungon llogaridhënia, bordet nuk funksionojnë

Ekspertja e Arsimit, Majlinda Keta u shpreh për Euronews Albania se institucionet arsimore duhet të kishin njoftuar më herët prindërit dhe nxënësit për mësimin me turne dhe jo një ditë para fillimit të shkollës.

Ajo theksoi se duhet të jepte sqarime drejtori i Arsimit të secilës zonë para nxënësve dhe prindërve për ndryshimet në procesin mësimor, detaje nga ora e shkurtuar si dhe për sa kohë do të vijojë ky proces.

Ekspertja nënvizoi se në institucionet tona arsimore mungon llogaridhënia.

“Tek ne mungon komunikimi llogaridhënës. Na mungon llogaridhënia institucionale. Në thonjëza, mashtrojmë opinionin publik”, tha ndër të tjera ekspertja Keta, teksa shtoi se bordet e shkollave nuk funksionojnë.

“Çdo drejtor shkolle duhet të jepte llogari dje para prindërve dhe fëmijëve se çfarë ka ndryshuar nga korriku kur u mbyll shkolla”, shtoi ajo.

LEXONI GJITHASHTU: 

• Ministrja Kushi: Në shkollat me turne ora mësimore zgjat 30 minuta
• Ministrja e Arsimit: 1300 nxënës më pak në klasat e para