Ekspertja: Në fasoneri punojnë më shumë gra të dhunuara

Kompanitë fasone po mbyllin aktivitetin në vend. Humbjet e vazhdueshme po i detyrojnë të zhvendosen në vende të tjera, ndërsa lënë pas qindra punonjës në asistencë.

Kriza e zgjatur që buroi nga zhvlerësimi i euros, po detyron kompanitë fasone në vend të marrin vendime drastike.

Kumrie Zika eksperte punësimi tha në emisionin GoodMorning Albanians në Euronews Albania se mbyllja e fasonerive po penalizon më shumë gratë.

Ajo tha se gratë që do të dalin të papuna nga këto fasoneri do ta kenë shumë të vështirë të integrohen diku tjetër në tregun e punës pasi janë kryesisht gra me probleme të theksuara sociale, të dhunuara apo me bashkëshortët në emigracion.

“Kjo kategori është formuar në atë industri prej 15 vjetësh dhe mund të mbeten pa punë se është faktori moshë e shumë të tjera. Kur kam folur me një grua në verë më ka thënë a mund ta marr burrin të punoj nwse nuk më lejon të punoj sanitare në një hotel të Sarandës. Të mos harrojmë se pjesa e kësaj industrie ka kryesisht zonja që vijnë nga familje ose me burra të emigruar ose të dhunuara, kanë shumë probleme ekonomike, sociale dhe shumë të tjera”, tha ekspertja.

LEXONI GJITHASHTU:

• Ekspertja: Gratë që kanë 15 vite në fasoneri nuk i lënë burrat në punë tjetër
• Pse po mbyllen fasoneritë në Shqipëri