Ekzekutimi i 34-vjeçarit në Shkodër, familjarët: Po e vrasin djalin për herë të dytë

Gazetarja e Euronews Albania, Matilda Braho, raportoi mbrëmjen e së shtunës nga Shkodra për emisionin Review me moderatoren Greta Topjana, lidhur me zhvillimet e fundit në hetimin për vrasjen e 34-vjeçarit Kristjan Kola.

Braho tha se kishte kontaktuar me drejtorin e Policisë së Shkodrës, Gentjan Berberi, i cili u shpreh se çështja është ende në hetim dhe për këtë arsye nuk mund të japë një prononcim zyrtar.

“Në një lidhje telefonike më tha se nuk mund të prononcohet për shkak të hetimeve,” – deklaroi Braho.

Ndërkohë, gazetarja nënvizoi se gjatë qëndrimit në Shkodër ka komunikuar edhe me familjarët e viktimës, të cilët shprehen se nuk janë marrë ende në pyetje nga autoritetet.

“Gjatë qëndrimit tim, familjarët më kanë shprehur njëzëri se asnjë punonjës policie nuk i ka marrë në pyetje, që në një farë mënyre po vritet për të dytën herë. Ata kërkojnë që kjo çështje të ketë drejtësinë në vend,” – tha ndër të tjera Matilda Braho nga Shkodra.

Ngjarja e rëndë ndodhi pak ditë më parë dhe është ende nën hetim nga autoritetet lokale.

LEXONI GJITHASHTU:

Motra e 34-vjeçarit të ekzekutuar në Shkodër e prekur: Babën se lanë me pa trupin

Shkollat në Shkodër gati për sezonin e ri mësimor, 8 mln € investime në total