Elezi zbulon ‘skemën’: Pse serbët në Veri po kërkojnë pasaporta të Kosovës

Eksperti i Sigurisë, Bedri Elezi, është shprehur se asnjë serb në veri të Kosovës nuk ka mundur të lëvizë lirshëm në zonën Shengen të BE-së, megjithëse kanë pasur pasaporta serbe.

Komentet Elezi i bëri përmes një lidhjeje me emisionin “Good Morning Albanians” në EuroNeës, ku tha se kjo vinte për shkak se BE lejonte të lëviznin lirshëm vetëm serbët resident në Serbi.

Kjo sipas Elezit ka bërë që shumë serbë në Kosovë të interesohen për pasaporta të Kosovës dhe të vendosin targa të Kosovës.

“Është një numër i madh i serbëve të interesuar për t’u pajisur me pasaporta të Kosovës dhe për të pajisur makinat e tyre me targa të Kosovës. Kjo vjen pas vendimit të BE-së për të futur Kosovën në Shengen. Pra duan të shfrytëzojnë lëvizjen e lirë.

Regjistrimi i veturave, është i ndërlidhur me hyrjen e Kosovës në Shengen. Qytetarët e Serbisë, edhe pse kanë pasur pasaportat e Serbisë, nuk kanë mundur të udhëtojnë në Shengen, megjithëse Serbia ka qenë më parë në zonën e lirë. Asnjë serb që ka jetuar në Kosovë, nuk ka qenë banor i Serbisë dhe nuk ka pasur mundësi të lëvizë në Shengen, megjithëse kishin pasaporta serbe.

Kjo pasi vendimi i BE-së ishte që vetëm banorët rezidentë të serbisë mund të lëviznin. Pra ishte familja Shengen që kishte përjashtuar qytetarët. Në pasaportat e këtyre qytetarëve ishin përcaktuar koordinatat. Pra rezidenca”, është shprehur Elezi.

LEXONI GJITHASHTU:

• Liderët e Bashkimit Evropian mbërrijnë në Izrael”për të shprehur solidaritetin”
• Sot në Tiranë, takimi i ministrave të jashtëm të Bashkimit Europian