Emigranti nga Italia: Shqiptarët duan lekë, janë kapot e bandave të drogës

Të burgosurit shqiptarë dhe ata nigerianë janë përleshur në burgun Solliccians në Firence të Italisë, gjë që ka sjellë si rezultat shkatërrimin e dy seksioneve të burgut por dhe 5 gardianë të plagosur në spital. Dy prej tyre rrezikojnë të humbasin shikimin për shkak të dhunës.

Luan Hallulli, kryetar i shoqatës italo-shqiptare tha në emisionin GoodMorning Albanians në Euronews Albania se shqiptarët e burgosur në Itali janë kryesisht kapo të bandave të drogës.

“Si në Angli, shumica janë të arrestuar për shtëpi bari, kokainë. Shqiptari do të pasurohet, nuk bën krime, janë ata që kanë qejf lekun e lehtë. Unë e kam dëgjuar në TV, janë më shumë kapo grupesh shqiptarët, nuk janë më transportues të thjeshtë, janë njerëz me taban, që kanë shumë vite që e bëjnë atë  punë. Por bëhet fjalë për një numër të vogël se shqiptarët janë njerëz shumë punëtorë në Itali. 6-7 vitet e fundit janë mbipopulluar burgjet në Itali”, shprehet ai.

LEXONI GJITHASHTU:

• Vaj të nxehtë e bombola gazi, shqiptarët dhe nigerianët përplasen në burgun italian
• Gazetari: 300 mijë shqiptarë në Zvicër kontribuojnë për Kosovën