Emrat| Operacion anti-drogë në Korçë, arrestohen 7 persona

Policia e Korçës ka finalizuar fazën e dytë të operacionit antidrogë të koduar “Break”. Ky operacion kishte si qëllim shkatërrimin e një grupi kriminal të përfshirë në shitjen e lëndëve narkotike në afërsi të shkollave dhe në lokale nate në qarkun Korçë.

Gjatë kësaj faze, autoritetet arrestuan 7 persona, përfshirë një organizator të grupit, dhe shpallën në kërkim një shtetas të tjerë. Gjithashtu, 6 individë u proceduan në gjendje të lirë.

Të arrestuarit janë:

• Besmir Gjezar
• Erdis Hysi
• Kristi Dule
• Adi Manoku
• Mateo Jahollari
• Marjus Lako
• Stiljan Lako

Policia gjithashtu identifikoi një shtetas tjetër, aktualisht i ndaluar në Itali, si bashkorganizator të grupit.

“Po ashtu, u shpall në kërkim P. H., 34 vjeç, me të njëjtën masë sigurie për veprën penale “Prodhimi dhe shitja e narkotikëve”. Gjykata e Korçës caktuar masën e sigurisë “Arrest në burg” edhe për K. B., 34 vjeç, që aktualisht ndodhet i ndaluar në Itali, për heqje të paligjshme të lirisë”, thuhet në njoftimin e policisë.

Gjatë aksionit, u sekuestruan sasi të lëndëve narkotike, përfshirë kokainë dhe cannabis sativa, si dhe një shumë parash që dyshohet se janë fituar nga shitja e lëndëve narkotike. Aksioni përfshiu gjithashtu sekuestrimin e një peshoje elektronike, 3 automjeteve dhe 9 celularëve.

LEXONI GJITHASHTU:

• Magazina e drogës në Korçë, Gjykata lë në burg 4 të arrestuarit
• Korçë| Kishin magazinuar një sasi të madhe kanabisi, arrestohen 6 persona