6 persona, ndër të cilët 3 prej tyre janë gra, janë arrestuar ditën e sotme nga Policia e Korçës në fshatin Voskop, pasi dyshohet se këta kishin magazinuar një sasi të madhe të dyshuar si lënda narkotike kanabis sativa.

6 personat janë të shoqëruar në drejtorinë vendore të policisë së Korçës ku po merren në pyetje si të dyshuar për lëndën narkotike të gjetur në këtë magazinë.

Sipas burimeve nga policia bëhet me dije se gratë shërbenin për përpunimin e lëndës narkotike e cila magazinohej në sasi të vogla dhe shitej në 6 qytetet e qarkut të Korçës

Momentalisht forcat blu të Korçës po bëjnë peshimin e sasisë së sekuestruar.

Ndërkohë një shtetas nga Berati është shpallur në kërkim si bashkëpunëtor

Fillimisht dyshohet se sasia e magazinuar e drogës ka ardhur nga një qytet tjetër, e kishte për qëllim shpërndarjen në sasi të vogla në qarkun e Korçës.

LEXONI GJITHASHTU:

• Kishin krijuar një grup për shitjen me pakicë të kanabisit, arrestohen adoleshentët
• Po transportonin 8,2 kg kanabis, arrestohen dy vëllezërit në Kurbin