EMRAT| Shoku u fut për t’i ndarë, si ndodhi vrasja e 19-vjeçarit. Kush është autori

Një ngjarje e rëndë ka ndodhur në qendër të qytetit të Fierit mesditën e kësaj të hëne.

Një i ri 19-vjeçar është qëlluar me thikë dhe për pasojë ka humbur jetën, ndërkohë që nga ngjarja ka mbetur i plagosur edhe një 20 vjeçar. Policia ka mundur të arrestojë autorin e ngjarjes, 18-vjeçarin Florjan Muka.

Ndërkohë që Grei Bihuci është 19-vjecari që ka mbetur viktimë e sherrit.

Sipas të dhënave fillestare, dyshohet se sherri mes të rinjve ka nisur fillimisht në rrjetet sociale për të degraduar më pas në përplasje fizike, deri në përdorimin e armëve të ftohta.

Gjatë përleshjes, është futur për t’i ndarë edhe një 20 vjecar i cili ka marrë plagë dhe ndodhet në spital jashtë rrezikut për jetën.

Viktima ishte nxënës i shkollës profesionale “Petro Sota” dhe studionte për Teknologji Informacioni, ndrësa prej vitesh stërvitej në futboll me moshat e skuadrës së Apolonisë.

Ngjarja ka tronditur mbarë opinionin publik, pasi edhe viktima njihej si person i dashur në qytet për shkak të punës që bënte pasdite në një lokal si kamarier.

LEXONI GJITHASHTU: 

• U vra me thikë pas konfliktit, ky është 19-vjeçari që humbi jetën në Fier
• Vrasje me thikë në Fier, humb jetën 19-vjeçari