Alibeaj: Në mbledhjen e kryesisë pati fjalë jo dhunë, ndjesë gazetarëve

Deputeti Enkelejd Alibeaj është shprehur se PD duhet të marrë formën e funksionimit të saj.

Në një deklaratë për mediat para hyrjes në Kuvend, ai theksoi se në mbledhjen e Kryesisë së PD dy ditë më parë nuk ka pasur dhunë por vetëm fjalë.

Mes tjerash theksoi se kryetar do të jetë ai që do të votojnë demokratët

“Nuk ka pasur asnjë dhunë, ka pasur fjalë. Nëse secili prej jush është ndjerë i fyer apo në një situatë jo normale ju kërkoj ndjesë. Keni të drejtën tuaj për të thënë gjithçka çfarë keni. Por do ju kërkoja të nxirrni atë se çfarë është problem kryesor. Mbledhjes e Kryesisë duhet të bëhen në privatësi, por përsa kohë zhvillimet në PD janë çështje publike, po e them dhe unë opinionin tim. Do duhet një orë e më parë që PD të marrë formën e saj të funksionimit të saj. Kjo do të thotë se zgjatja e drejtimit të saj me kryetar të komanduar nuk ishte….

Mbështes një parti me rregulla statutore demokratike, me pushtete të ndara, me pushtete që kontrollojnë kryetarin. Ne kemi qenë në një situatë jo normale, shumë nga strukturat tona janë gjymtuara. Ka një moment që duhet ta fillojmë ta ndërtojmë, ta ndërtojmë në mënyrë optimale. Demokratët janë, anëtarësia është. Kërkohet një rindërtim i PD-së. Kryetar do të jetë ai që do të votojnë demokratët. Ka të drejtën për të kandiduar kushdo. Ta vlerësojnë ata nëse Basha do të jetë në krye të PD-së apo jo. Pse nuk keni besim ju tek vlerësimi dhe opinioni i demokratëve. Kosto për Shqipërinë është se ky vend nuk po shkëputet dot nga historia 30 vjeçare”- tha ai.

LEXONI GJITHASHTU: 

• Qarkulloi 250 milionë euro para të pista, kush është shqiptari i arrestuar në Greqi
• Sot jepet masa e sigurisë për Vangjush Dakon, mbërrin në SPAK avokati i tij