Shefja e shërbimit të neurologjisë Jera Kruja ishte këtë të diel e ftuar në emisionin “Health O’clock” në Euronews Albania ku ka folur për epilepsinë. Ajo ka treguar disa nga shenjat të cilat tregojnë se një person është i prekur nga kjo sëmundje.

“Te një fëmijë i vogël mund të ketë humbje vetëdije, çrregullime të frymëmarrjes. Kjo kriza e madhe është e shkurtër, 1-2 minuta, se më pas fillojnë ndërlikime të tjera. Te të rriturit ka disa forma të ndryshme të epilepsisë, sepse një epilepsi mund të jetë një dridhje e pavullnetshme e dorës, pa e humbur vetëdijen. mund të jetë shkëputja e vëmendjes, që personi mund të ndërpresë bisedën të pulisë për pak sytë e më pas ti kthehet bisedës”, tha Jera Kruja.

Kruja tha gjithashtu se epilepsia është një sëmundje e stigmatizuar, madje ka pasur raste që kjo sëmundje është bërë shkak për divorc, apo për vështirësinë për të gjetur punë.