Ka nisur sot edicioni i 25-të i Panairi i Librit. Në këtë panair do të jenë gjithsej 97 stenda dhe më shumë se 100 shtëpi botuese që do të prezantohen nga datat 16-20 nëntor.

Loreta Berhami, drejtuese e shtëpisë botuese ‘Pegi’ tha në Good Morning Albanians, në Euronews Albania se ka autorë që janë paragjykuar pa u lexuar. Ajo veçoi aktorin Ermal Mamaqi, i cili së fundmi ka publikuar një libër.

Sipas saj, e vetmja kritikë që ka vlerë është ajo pasi e ke lexuar një libër, jo paragjykimet bazuar mbi argumente të tipit ‘kush je ti’.

“Ermal Mamaqi po paragjykohet pa u lexuar, mendoj. Ka pasur edhe të tjerë që janë paragjykuar pa u lexuar, pastaj janë lexuar dhe janë kritikuar në bazë të asaj që kanë lexuar. Ajo lloj kritike ka vlerë. Të gjitha të tjerat që bazohen në argumente të tipit kush je ti, cila është eksperienca jote vetëm hedhin poshtë dhe demoralizojnë njerëzit”, tha Berhami.

LEXONI GJITHASHTU:

• Loreta Berhami: E vështirë të bindja Ben Blushin për “41 sekrete”
• Rita Petro: Kam refuzuar t’i botoj librin një personazhi të famshëm