Ervin Bushati: Është turp që nuk është ndërtuar një autostradë Tiranë-Shkodër

Ish-deputeti i Partisë Socialiste Ervin Bushati, mohoi në një intervistë për Euronews Albania që qeveria e majtë të ketë lënë pas dore Shkodrën, por pranoi se është turp që ende nuk është ndërtuar një autostradë Tiranë-Shkodër.

Ai i cilësoi fjalime në kuadër të fushatës deklaratat e kryeministrit për Shkodrën, ndërsa theksoi se Rama në fushatë nuk flet vetëm si kryeministër, por edhe si kryetar i PS.

“Është turp që sot jam bëtë gjithë këto rrugë dhe nuk ka një autostradë Tiranë-Shkodër, për të gjitha forcat politike. E pranoj, është e turpshme. As Sali Berisha nuk e bëri atë rrugë, para se të bëhej rruga e Dibrës duhet të ishte mbyllur rruga Tiranë-Shkodër. Këtu ka faj e gjithë politika. Kryeministri në fushatë është kryetar i PS, politika është për të rritur. Ka mesazhe, shumë mirë që nuk janë të dhunshme, ka avancime, por kemi edhe shumë për të bërë.  A duhet të distancohet fushata lokale nga ajo ne përgjithshme, ka shumë për të diskutuar këtu”, tha Bushati.

LEXONI GJITHASHTU:

• “Shkodra e vetmja bashki me plehra”, Rama: Duhet të heqin zorrën qorre
• A do të thyhet Shkodra? Benet Beci zbulon në Euronews strategjinë e socialistëve