Escobar flet për “McGonigal”: Nuk ka ndikim në marrëdhëniet mes SHBA dhe Shqipërisë

Zëvendës-Ndihmës Sekretari i Shtetit për Europën, Gabriel Escobar në një konferencë për gazetarët, është pyetur edhe për çështjen “McGonigal”.

Sipas Escobar, Departamenti i Shtetit nuk është pjesë e këtij hetimi dhe nënvizoi se kjo çështje nuk ka ndikim në marrëdhëniet mes SHBA dhe Shqipërisë

“Departamenti i shtetit nuk është pjesë e këtij hetimi. Në lidhje me pyetjen për akuzat për agjentin McGonigal më duhet t’u referoj të pyesni FBI-n. Do të them se nga perspektiva e DASH dhe qeverisë amerikane Shqipëria është një aleate solide e NATOS, një partner i mirë bilateral.

Ka qenë një ndihmëse e madhe për ne në Këshillin e Sigurimit. Nuk ka asnjë ndikim në marrëdhëniet tona bilaterale mes SHBA dhe Shqipërisë”, theksoi ai.

LEXONI GJITHASHTU

• 24 orë debat për McGonigal, Balla: Po përgatitemi për të enjten
• Analisti: Nëse skandali McGonigal do i ndodhte Berishës, do ishte djegur Tirana
• “Çështja McGonigal do çohet deri në fund nga SHBA-të”- Fuga analizon situatën