Sot Shqipëria do të përballet me Ishujt Faroe në stadiumin Air Albania. Edhe pse Kombëtarja tashmë e ka siguruar vendin e saj në Euro 2024, sërish kjo ndeshje ka rëndësinë e saj dhe tifozë nga e gjithë Shqipëria kanë mbushur rrugët e Tiranës, të veshur me simbolet kombëtare.
Ata kanë nisur të këndojnë e të brohorasin në përkrahje të Kombëtares së Shqipërisë
Gazetarja e Euronews Albania, Ortensa Budlla ka pyetur disa tifozë nëpër lokalet e Tiranës, se si mendojnë se do të shkoj kjo ndeshje sot.
E ndërsa të gjithë shprehen optimist se do mbyllet me fitore, një djalë i vogël nga Struga i cili mbante pankartën “Jemi gati për në Berlin”, parashikoi se ndeshja do mbyllet me 6 gola për Shqipërinë, e madje ishte i sigurt edhe për emrat e futbollistëve që do i realizonin këto gola.
“Kemi ardhur nga Struga vetëm për ndeshjen. Do bëjmë 6 gola. Asani, Bajrami, Uzuni, Ramadani, Asllani dhe Bare”,-tha djali i vogël nga Struga ndërsa nisi të këndonte edhe “Mora fjalë”.
LEXONI GJITHASHTU:
- Shqipëri- Ishujt Faroe/ FSHF njoftim për tifozët: Hyrja në stadium nis në 17:45
- Të hënën ndeshja Shqipëri-Ishujt Faroe, Policia e Shtetit publikon planin e masave
