“Farsa elektorale në Elbasan”, Berisha: 70% e operatorëve kanë shkelur ligjin

Ish-kryeministri Sali Berisha ishte këtë të premte në konferencën e përjavshme me gazetarët ku tha se zgjedhjet në Elbasan janë një nga farsat më të mëdha në historinë e zgjedhjeve.

Sipas tij ekzistojnë video të cilat dëshmojnë se në mbi 70% të qendrave të votimit, të ashtuquajturit operatorë, shkelën ligjin nga mëngjesi deri në darkë.

“Unë e di se për gazetarët dhe mediat, e njëjta temë nuk është kurrë interesante dhe e preferueshme, por kur ajo është një çështje themelore e shoqërisë, nuk mund t’i kthesh kurrë krahët dhe ta injorosh, sepse bëhesh bashkëfajtor në një krim të paparë elektoral. Jam këtu për t’u njoftuar ju, se zgjedhjet në Bashkinë e Elbasanit janë një nga farsat më të mëdha në historinë e zgjedhjeve.

Videot dëshmojnë se në mbi 70% të qendrave të votimit, të ashtuquajturit operatorë, shkelën ligjin nga mëngjesi deri në darkë. Ligji përcakton qëndrimin e tyre, distancën në të cilën ata qëndrojnë nga aparatura e votimit dhe këta militantë të PS-së, të përzgjedhur me kujdes, anëtarë të FRESSH, të trajnuar në sipërmarrjen e peshkut të Lucës, dhe të trajtuar nga Luca, janë treguar shkelës të ligjit, kriminelë elektoralë pothuaj në të gjitha qendrat e votimit”,-tha Berisha.

LEXONI GJITHASHTU:

• Gjen portofolin me 600 euro, qytetari e dorëzon në komisariatin e policisë
• Draft-statuti i Ramës, qeveria gjermane konfirmon për Euronews marrjen e dokumentit