Fatbardh Kadilli i revoltuar: Kam luftuar të ketë opozitë, janë të njëjtat fytyra

Anëtari i Këshillit Kombëtar të Partisë Demokratike, Fatbardh Kadilli tha në “Barometri” për Euronews Albania se ka luftuar të ketë opozitë, ndërkohë që janë të njëjtat fytyra.

Sipas tij ndryshimi nuk mund të vijë kurrë nga mazhoranca.

“Ndryshimi nëse vjen, vjen nga opozita. Opozita që ne kemi sot nuk është më alternativë. Duam, s’duam, unë i përkas opozitës, kam luftuar që të ketë një opozitë alternativë, por nuk ka. Edhe ai degradimi, rënia 4-5 pikë përqindje që vjen, sepse në një moment kur i afrohemi zgjedhjeve, shpresa e njerëzve rritet automatikisht. Në momentin që të shohin se si shpallesh në zgjedhje, me të njëjtat fytyra, me të njëjtat sjellje politike, me të njëjtin ligjërim politik, pa teza se ku të kishim teza ku ma gjen, atëherë njerëzit kthehen edhe njëherë ata të llogores, ata që s’duan të ikin ndonjëherë, kanë hyrë te vendstrehimi politik dhe aty rrinë,” – u shpreh Kadilli.

LEXONI GJITHASHTU:

• Luhatja e PS, Fatbardh Kadilli: Dimri e merr në qafë mazhorancën
• Veliaj – Këlliçi, kush e fiton Tiranën? Projeksionet finale të Barometrit