Nënkryetarja e Kuvendit, Ermonela Felaj tha në një intervistë për Euronews Albania se janë rrëzuar 3 komisione hetimore dhe arsyeja ka qenë sepse objekti ka dalë jashtë atyre parimeve që edhe Gjykata Kushtetuese ju sjell në vëmendje palëve që duhet t’i respektojnë.

Felaj përfitoi nga rasti për të ftuar opozitën për të diskutuar për komisionet hetimore, por gjithnjë duke ju përmbajtur ligjit.

“Kuvendi është organ ligjvënës, se është organi që përfaqëson pushtetin ligjvënës ai nuk ka epërsi ndaj organeve të tjera apo pushteteve të tjera dhe asnjë organ, asnjë pushtet nuk është ndërtuar që të ketë epërsi ndaj të tjerëve. Ky është sistemi demokratik që ne kemi të shpallur, të afirmuar, në Kushtetutën tonë dhe duhet t’i përmbahemi kësaj gjëje. Është kjo arsyeja se përse Kuvendi rast pas rasti nuk mund të shndërrohet në një organ kontrolli që kontrollon çdo procedurë, çdo vendimmarrje, çdo standard. Ai këtu del jashtë natyrës së vet. Një hetim parlamentar nuk mund të zëvendësojë një hetim penal dhe as të marrë tiparet e tij,” – u shpreh Felaj.

LEXONI GJITHASHTU:

• PS propozon ndryshime në ligjin për komisionet hetimore, Felaj jep detajet
• Berisha: Pse Rama po pengon ngritjen e Komisioneve Hetimore