Irisi është 10 vjeç. Kur lindi, prindërit e saj kuptuan se ajo ishte me sindromën Down.
Me qindra mendime negative ju erdhën në mend. Pyetja që i mundonte ishte a do t’ia dilnin? Përgjigjen e kishte po vajza e vogël e tyre.
“Njeriu kur do e gjen forcën dhe i përballon të gjitha gjërat. Ajo ka sfida çdo ditë, një jetë e mbushur e angazhime, sakrifica, kënaqësi. Nuk e kisha menduar sepse çdo nënë mendon se do këtë një fëmijë me perspektivë, por edhe me këtë fëmijë, jemi shumë të lumtur, ka arritur gjëra që mendonim se nuk do i arrinte,” – tha Anila Hoxha, mamaja e Irisit.
Një kromozom më shumë nuk ndryshon asgjë nga fëmijët e tjerë. Irisi është prova. Ajo është vajza e vogël e familjes. E përkëdhelura e babit dhe e vëllait. Megjithatë, mami ja ka dalë të rregullojë ekuilibrat.
“Kam rritur një djalë para Irisit, kanë një diferencë 20 vitesh, kështu që e kam rritur Irisin si një fëmijë normal, me kërkesa me llogaridhënie, të mos këtë asnjë dallim nga fëmijët e tjerë,” – tregoi ajo.
Dita e Irisit është e mbushur plot me aktivitete, por për të orët e kaluara me shokët dhe shoqet janë më të preferuarat.
LEXONI GJITHASHTU:
