Ferit Hoxha: Pa marrëveshje me Serbinë, Kosova nuk do jetë në gjendje për asgjë

Ambasadori i Shqipërisë në OKB, Ferit Hoxha, në një lidhje të drejtpërdrejt për emisionin “Now” në Euronews Albania, foli për mbledhjen e Këshillit të Sigurimit që u drejtuar sot nga kreu i qeverisë Edi Rama.

Ai theksoi se Kosova do ta gjejë veten si subjekt i barabartë ndërkombëtar vetëm kur të ketë një marrëveshje me Serbinë.

“Ne duhet të punojmë në mënyrë të padiskutueshme që rrethi i shteteve që e njohin Kosovën të zgjerohet. Edhe sikur të kishim 30 njohje të reja nesër, thelbi i situatës nuk ndryshon.

Unë mendoj se Kosova do ta gjejë veten si subjekt i barabartë ndërkombëtar vetëm kur të ketë një marrëveshje me Serbinë, vetëm kur ngërçi i krijuar dhe i thelluar dhe për shkak të aktivitetit të Serbisë, është fakti që në tërësi i gjithë spektri i vendeve që mund të ishin më të ndjeshme për njohjen e Kosovës, bazohen në idenë se ka një proces negocimi dhe të presin përfundimin e tij. Pa një marrëveshje me Serbinë Kosova nuk do të jetë në gjendje as të artikulojë veten e saj si të barabartë me të gjithë të tjerët, as në Ballkanin Perëndimor as ndërkombëtarisht”- tha ai.

https://www.youtube.com/live/CEPesMDHe98?si=rNpZx5ZwnG-BZjZz

LEXONI GJITHASHTU: 

• Ferit Hoxha: Ia dolëm! Prania e Shqipërisë në OKB, kulminante për diplomacinë tonë
• Paskal Milo: Rama duhet të kishte bërë debat të ashpër me Rusinë dhe jo “show”