“Karnavalet e Korçës” me regji të Erion Isait është vlerësuar nga juria si shfaqja më e mirë e edicionit të 11.

Edhe për regjisorin e kësaj komedie, kjo shfaqje ka qenë shfaqja me e vështirë e punës së tij ndër vite, edhe për atë sepse është dashur të ndryshojë jo pak në konceptimin regjisorial.

“Është vepër që komunikon me publikun. Njerëzit ndihen të përfshirë”,-tha Erion Isai.

Arben Dervishi, aktori i njohur i humorit shqiptar rikthehet pas 17 vitesh në skenën e teatrit “Andon Zako Çajupi”. Pas shfaqjes, nuk i ka përmbajtur dot as lotët.

“Më mungon kjo skenë, më mungojnë spektatorët shumë. Është dhimbje e madhe të largohesh”,-tha aktori Arben Dervishi.

Edhe për aktoren Zamira Kita, ribashkimi pas një kohe të gjatë me Dervishin ka qënë veçantia e Karnavaleve e Korçës.

“Kemi pasur shumë emocione të dy sepse ne kemi një kimi të jashtëzakonshme bashkë”,-tha drejtorja e teatrit të Korçës, Zamira Kita.

Krahas shfaqjes me të mirë, juria e këtij festivali ka nderuar regjinë me të mirë të Fatos Berishës, aktorja më e mirë Zamira Kita.

LEXONI GJITHASHTU:

• Festivali “divani lunxhot”, artistët promovojnë folklorin dhe turizmin në Lunxhëri
• Festivali i Filmit në Dropull, prezantohen 40 filma nga producentë grekë e shqiptarë