Fidel Ylli: S’do i përgjigjemi me të njëjtën gjuhë arrogancës së Serbisë

Presidenti i Komitetit Olimpik Kombëtar në Shqipëri, Fidel Ylli tha për Euronews Albania se nuk do i përgjigjen më të njëjtën gjuhë arroganës së Serbisë, për vendimin e boksierëve kosovarë dhe veprimeve ndaj sportistëve shqiptarë.

Z. Ylli u shpreh se do të ndërmarrin hapat e duhura dhe se Komiteti Olimpik në Serbi duhet të japë llogari.

“Nëse kanë bërë gabim serbët, nuk duhet të bëjmë ne gabime të tilla. Ekipi kosovar dhe shqiptar kanë shkuar atje për një kompeticion sportiv dhe nuk kanë shkuar atje për të bërë politikë. Komiteti Olimptik Ndërkombëtar të marrë masat e duhura për këtë sjellje të keqe të qeverisë serbe”, u shpreh z. Ylli.

Në fund të bisedës, ai nënvizoi se Presidenti i Shoqatës Ndërkombëtare të Boksit është rus dhe sipas tij kjo është fatkeqësia në të gjithë këtë situatë.

LEXONI GJITHASHTU:

• Ndalimi i boksierëve në kufi me Serbinë, Kosova paralajmëron masa
• Trajneri i Kombëtares shqiptare të Boksit: Sportistët u goditën me çakmakë gjatë paradës në Serbi