Fitoi vetëm 7 bashki, Berisha: S’kishim fonde, u demonstrua aleanca e krimit

Një ditë pas numërimit të votave, ku koalicioni “Bashkë Fitojmë” mori vetëm 7 bashki, ish-kryeministri Sali Berisha doli në një deklaratë për mediat ku akuzoi qeverinë për humbjen në zgjedhje.

Ai tha se koalicioni i tyre nuk pati mjaftueshëm fonde ndërsa nënvizoi se kreu i qeverisë Rama nuk e regjistroi atë në zgjedhje pasi tmerrohej nga emri i tij.

Gjithashtu Berisha theksoi se komisionerët e opozitës nuk ishin të mjaftueshëm nëpër bashki duke nënvizoi se vota është blerë.

“Narkoshteti i përpoq të asgjësuar opozitën e vërtetë si pjesëmarrëse në zgjedhje. Ajo jo vetëm i konfiskoi vulën, jo vetëm e privoi nga fondet që i takonin, por kaloi në aktin më absurd të mohimit të drejtës së koalicionit për të zgjedhur kryetarin e vet. I tmerruar nga emri i Sali Berishës nuk lejoi regjistrimin e tij në listë. Një aleancë krimi në nivel politik dhe në nivel terreni u demostrua si kurrë ndonjëherë në historinë e vendit. Trinomi Rama-Doshi-Brava ishte shëmtia më e madhe në veprimet e tyre në këtë proces zgjedhor.  Siç konstaton me të drejtë raporti i vëzhguesve, blerja e votës ishte një akt masiv e i shëmtuar. Mungesa e komisonerëve dhe numëruesve  e opozitës të vërtetë që kishte 61 kandidatë, ishte një akt tjetër i pabarazisë së madhe”-tha ai.

LEXONI GJITHASHTU: 

• Beleri fitoi në burg, rastet që mund të çojnë në përsëritje të zgjedhjeve
• Berisha reagon për humbjen në zgjedhje: Shqiptarët votuan nën presion