Në stadiumin Air Albania po luhet sfida mes Kombëtares kuqezi dhe ishujve Faroe e vlefshme për eliminatoret e Euro 2024.
Tifozeria e zjarrtë ka qenë pa dyshim lojtari i 12-të i kësaj ndeshjeje. Shqiptarë nga të gjitha trevat kanë mbushur stadiumin dhe sheshet e qytetit për të kremtuar kualifikimin e Shqipërisë në Kampionatin Evropian që do të zhvillohet në Gjermani.
Gazetarja Ortenca Budlla solli në emisionin Now pak nga atmosfera në sheshin Skënderbej ku qytetarë të shumtë janë mbledhur të shohin Kombëtaren përmes një ekrani të madh. Një prej tyre tregoi se kishte ardhur nga Anglia vetëm për këtë ditë.
“Nuk gjeta bileta dhe po e ndjek ndeshjen këtu. Do fitojmë të paktën 2-0, meritojmë të jemi në vendin e parë në grup”, tha ai mes të tjerash.
LEXONI GJITHASHTU:
- Sfida mes Shqipërisë dhe Ishujve Faroe, pjesa e parë nuk ka fitues
- Publikohet formacioni për ndeshjen me Ishujt Faroe, 5 ndryshime