‘Flas në ëndrra me djalin e vdekur”, Adriana: Përmbusha dashurinë që s’e kisha unë

Në rrëfimin e saj të vështirë rreth ndarjes nga jeta të një prej djemëve në moshën 14-vjeçare, elektriçistja Adriana tregon një detaj kurioz.

Ajo thotë se ka qenë pikërisht djali i saj që i ka thënë të mos mbaj më zi për të me veshjet, prandaj ajo ia ka dëgjuar fjalën.

Adriana shprehet se komunikon shpesh me të në ëndërr apo në heshtjen e saj, sa herë që e merr malli.

“Unë u martova me mblesëri, kështu ishin kohët atëherë. Unë martova në ’81. Solla dy fëmijë në jetë. Isha duke fjetur dhe mund të ketë qenë ora 2 a natës dhe në një moment thashë o Zot, sa dëshirë kam të të dëgjoj. Kur unë kam pasur momentin e dhimbshëm që unë kam humbur fëmijën e parë, Zoti më ka folur. Humbja e fëmijës është dhimbja që… Djali ishte 14-vjeç. Djalin e vogël e kam tani 36-vjeç. I mbajta rrobat e zeza për një kohë, pastaj vetë djali ma dha urdhrin që t’i hiqja . Djali që se kam më. Më doli në ëndërr e më tha hiqi. Unë ëndrrat i shoh dhe i lexoj shumë mirë.

Kam qenë shumë e lidhur me të. Kishte qejf të bëhej doktor. Ishte pjesa humane e zemrës së tij. Në karakter kishte nga unë, kurse në fytyrë i ngjante të atit. Kjo ka qenë dhimbja më e madhe.  Kam shumë pengje. Ka momente që dua të rri vetëm me të. Ishte shumë i dashur. Çfarë më mungoi mua nuk kam dashur t’u mungonte atyre. Te ata përmbusha mungesën e nënës time”-tha ajo.

LEXONI GJITHASHTU: 

• “Nëna më braktisi të vogël, më akuzoi pse e kërkova”, rrëfimi i elektriçistes
• Adriana, elektriçistja nga Erseka që bënte xheloze burrat për punën e saj