FOTO| Ish-presidenti Thaçi shkon në Kosovë, zbulohet shkaku

Ish-presidenti i Kosovës Hashim Thaçi, gjendet këtë të hënë në Kosovë. Sipas mediave kosovare arsyeja që ish-presidenti ka lënë ambientet e qelisë në Hagë është marrja e lejes për të vizituar nënën e tij e cila ka shfaqur probleme shëndetësore së fundmi.

I shoqëruar nën masa të rrepta sugurie, Thaçi ka shkuar në shtëpinë e tij në Burojë të Skenderajt, për shkak të përkeqësimit të gjendjes shëndetësore të së ëmës.

Bëhet e ditur se Thaçit i është lejuar të takojë vetëm prindërit e tij dhe askënd tjetër prej anëtarëve të tjerë të familjes, shkruan KlanKosova.

Nëna e ish-presidentit  ka pasur në trajtim mjekësor në QKUK, ndërkohë tashmë ndodhet në banesën e saj ku po vijon marrjen e kujdesit të nevojshëm mjekësor.

Vizita e Thaçit është vetëm një ditë dhe ai pritet të kthehet sërish në qelitë e paraburgimit në Hagë gjatë pasdites.

LEXONI GJITHASHTU:

• Thaçi i drejtohet Speciales: Jam i pafajshëm, gati të përballem me çdo akuzë
• Mbrojtja: Thaçi nuk kishte fuqi të parandalonte apo ndëshkonte krimet
• Trondit prokurori: Thaçi mohoi rolin e UÇK dhe persekutoi anëtarët e LDK