Fotografi: Më i vështirë për t’u fotografuar në samit ishte Vuçiç, rri i ngrirë

Fotografi Armando Babani thotë se presidenti i Serbisë, Aleksandër Vuçiç ishte më i vështiri për t’u fotograguar, ndër personalitetet në samitin BE-Ballkani Perëndimor që u zhvillua dje në Tiranë.

Në emisionin “Good Morning Albanians” në Euronews Albania, Babani u shpreh se Vuçiç ishte i ngrirë në lëvizje dhe mimikë.

“Meqë më përmende Vuçiçin, dikush më pyeti shoqërisht, më tha kush ishte personazhi më i thjeshtë për t’u fotografuar. I thashë, më i thjeshtë nuk mund të them, por mund të them më i vështiri. Vuçiç, edhe normalisht ndiqej më shumë nga të tjerët, ishte shumë i ngrirë.

Kur një personazh është shumë i ngrirë, ty të krijon shumë vështirësi për ta fotografuar. I ngrirë në gjithçka, në lëvizje në mimikë, ishte i ngrirë. Të tjerët ishin shumë më tepër të relaksuar”, theksoi ai.

LEXONI GJITHASHTU:

• Von der Leyen vlerëson Shqipërinë: KE 1 mld euro për energjinë e infrastrukturën
• Rama pas samitit: Ka një formë të re studimi në universitetet e Europës