Histori frymëzuese e infermieres që punon prej 41-vitesh në kirurgjinë në spitalit

Mund ta themi që në të gjitha kuptimet ata i kanë kushtuar jetën e tyre punës si infermierë sepse kanë jo pak por 41 vite që e bëjnë me aq shumë përkushtim.

Pas 41 vitesh punë Idriz Troshani dhe Vasilika Sterkaj janë dy infermierët në repartin e kirurgjisë në spitalin e Shkodrës të cilët dolën në pension. Sindikata e shëndetësisë në Shkodër i dha një certifikatë mirënjohje dy infermierëve për kontributin e tyre të çmuar.

Ata kanë treguar se momenti më i vështirë në punë ishte viti 1997’ kur u hapën depot e armëve dhe në spital shkonin me dhjetëra të plagosur në ditë.

Idriz Troshani dhe Vasilika Sterkaj kujtojnë me respekt kirurgët që kontribuan për vite me radhë në spitalin e Shkodrës por edhe ata që janë aktualisht.

Një moment i paharruar është kur mbeti i vrarë doktor Zamir Shazi brenda spitalit të Shkodrës, ngjarje në të cilën Vasilika ishte prezente.

Në fund dy infermierët që tashmë do shijojnë vitet e pensionit i bëjnë thirrje brezit të ri të infermierëve që të mos largohen nga Shqipëria për të kontribuar për vendin e tyre.

LEXONI GJITHASHTU: 

• “Thikë pas shpine për PD”, Bejko: Deputetët s’duhet të largoheshin nga mbledhja
• Masakroi me thikë gruan, dorëzohet në polici Myrtollari: E plagosa se s’punonte