Eksperti i zgjedhjeve Aldo Merkoci tha se fushata zgjedhore tashmë ka nisur dhe se kandidatët kundërshtarë janë duke përdorur edhe rrjetet sociale për këtë qëllim.
Ai tha se mes dy kandidatëve të cilët kandiojnë për Tiranën, Belind Këlliçit dhe Erjon Velisë, është Këlliçi ai që është më në disavantazh dhe që po përdor rrjetin social Tik Tok që të bëhet me i njohur për kryeqytetin.
“Media të ndryshme sociale aplikohen nga kandidatët për fokuse të ndryshme të shoqërisë, Facebook-u është për moshën më të madhe Tik Tok-u për moshën më të re, Instagrami i ka paksa të dyja, ndërsa Twitter-i është më profesional. Fushata qartazi ka filluar, të dyja palët janë të angazhuara me modalitetet e veta.
Kemi qartazi dy strategji të ndryshme se si po nxehin motorët se jemi dakord që nuk ka filluar në të gjithë potencialin e vetë maksimal fushata. Por dy palët kanë zgjedhur modalitete të ndryshme, arsyeja, mendoj se është edhe se dy palët kanë pikënisje të ndryshme. Belind Këlliçka ka një disavantazh që do ta rikuperoj e prandaj do të investohet kaq shumë në Tik Tok, që të njihet më shumë te votuesit e Tiranës”, tha për Euronews Albania, Aldo Merkoci.
LEXONI GJITHASHTU:
- Naftë në pusin Shpirag-5, inxhinieri: Fitimet deri në 8 milionë euro në ditë
- Përdhunohet i mituri në Greqi, arrestohet një mjek dhe një muzikant
- Kane njeriu i rekordeve, Ronaldo udhëheq Portugalinë, fitore dhe për Italinë
