Sulmet në rritje ndaj gazetarëve në Maqedoninë e Veriut kanë shtyrë këta të fundit të kërcënojnë me bojkot nëse nuk votohen ndryshimet ligjore në Parlament.
Ata kërkojnë që sulmi ndaj gazetarëve të trajtohet si sulm ndaj një zyrtari, gjë që do rriste nivelin e sigurisë për ta.
“Ju bëjmë thirrje deputetëve që të votojnë ndryshimet në Kodin Penale të cilat do dënojnë sulmet ndaj gazetarëve. Me ndryshimet ligjore sulmi ndaj gazetarit nuk do të trajohet si sulm ndaj një individi por sulm ndaj profesionit. Nëse nuk votohen ndryshimet, ne do të bojkotojmë punën”, u shpreh Pavle Bellovski, kryetar i Sindikatës së Gazetarëve.
Kryetari i Shoqatës së Gazetarëve të Maqedonisë, Mlladen Çadikovski, kujtoi se numri i sulmeve ndaj gazetarëve është në rritje dhe kjo ngre alarmin për urgjencen e ndryshimeve ligjore.
“Në vitin 2020, ka pasur 14 sulme ndaj gazetarëve, tetë prej të cilave ndaj gazetareve femra dhe vetëm dy janë zgjidhur me vendim gjykate. Në vitin 2021, nga pesë sulme, tre ishin kundër gazetareve femra, në vitin 2022, deri më tani kemi gjashtë sulme ndaj gazetarëve dhe punonjësve të medias”, theksoi ai.
Çadikovski vlerëson se indiferenca e autoriteteve për sigurinë e gazetarëve, shton rrezikun e censurës.
LEXONI GJITHASHTU
- Partitë shqiptare në RMV të unifikuara: Shqipja të bëhet gjuhë zyrtare e barabartë
- Institucionet shtetërore në RMV kursyen 20% të energjisë elektrike në muajin shtator
- RMV në BE brenda 8 viteve, Tanja Fajon shprehet optimiste gjatë vizitës në Shkup
