Gazetari: 17 orë në terren, dëshmuam dyluftim të ashpër me grupin terrorist serb

Gazetari Haris Ademi ishte këtë të hënë i ftuar në një lidhje direkte për emisionin “Good Morning Albanians” ku ka folur për sulmin në Kosovë.

Ai tha se si gazetar ka qenë për 17 orë në terren dhe edhe pse ishin të vendosur 2.5 kilometra larg vendit ku po ndodhte përplasja e armatosur, të shtënat e armëve dëgjoheshin shpesh.

“Dje isha rreth 17 orë në terren, që nga orët e para kur morëm informacione që kishte një viktimë në veri nga ana e policisë. Kemi dëgjuar në vazhdimësi të shtëna armësh. Ne ishim rreth 2.5 kilometra larg vendit ku po zhvillohej përplasja e armatosur mes policisë dhe grupit terrorist.

Kemi arritur të dëgjojmë krisjet e armëve të ndryshme dhe kemi kuptuar që atje po ndodh një lloj dyluftimi i ashpër. Përmes burimeve tona të besueshme kemi marrë informacione, por raportimi ka qenë tepër i vështirë”,-tha Haris Ademi.

LEXONI GJITHASHTU:

• “Burri të rreh kur ti e ke hak”- Avokatja tregon mentalitetin e familjeve shqiptare
• “Grave iu është bërë dhuna si ‘buka që hanë’- Pedagogia myslimane tregon rastet