Gazetari: Hapja e fushatës së Berishës, e gabuar në mesazh dhe përmbajtje

Gazetari Flogert Muça tha në një intervistë për Euronews Albania se Sali Berisha shpenzoi 100 mijë euro për mitingun në stadiumin Air Albania.

Sipas tij, hapja e fushatës nga Berisha ishte e gabuar në mesazh dhe përmbajtje, pasi nga njëra anë ai flet për varfëri të shqiptarëve dhe nga ana tjetër shpenzon shifra marramendëse për një spektakël.

“Ajo që ndodhi me PD dhe Metën në stadium ishte shfaqje e organizuar keq në shumë aspekte; e para se Berisha ishte lënë të fliste i fundit, kjo tregon se revolucioni ka dështuar se edhe demokratë nuk kanë nerva të rrinë të presin 6 orë, doktori e di këtë ndaj edhe revolucioni ka mbetur në vend. Dy lajme kishte; braktisja e Berishës kur mori fjalën, dhe moralin kur flet për varfëri dhe shkon shpenzon mbi 100 mijë euro për një shfaqje spektakolare në stadium. Për mua hapja e fushatës së Berishës i gabuar në mesazh dhe përmbajtje”, tha Muça.

LEXONI GJITHASHTU:

• Berisha për vrasjen në Shëngjin: Mbrojtësit e qeverisë kryen ekzekutimin e radhës
• “Berisha po përgatit alibinë e humbjes”, Jupi: Ai e di që nuk fiton