Gazetari: Këto përplasje Serbi-Shqipëri janë parapërgatitje për Europianin

Gazetari Roland Qafoku komentoi në një intervistë notën e protestës së Ministrisë së Jashtme Serbe ndaj Tiranës zyrtare për shkak të djegies së flamurit serb në sheshi Skënderbej gjatë ndeshjes me Ishujt Faroe.

Sipas Qafokut, djegia e flamurit nuk ëshë një veprim për tu lavdëruar dhe nuk na bën mirë si komb, por reagimi me ultimatum i Serbisë, si shteti që ka masakruar popujt e 4 shteteve të Ballkanit, nuk ka lidhje me diplomacinë.

“Djegia e një flamuri është vepër penale, nuk kemi pse ta bëjë se ne nuk duhet të jemi si serbët. Kam përshtypjen që kjo është një parapërgatitje e asaj që do ndodhë në Evropian. Nga 12 shtete të Ballkanit, në Evropian do marrin pjesë 6 shtete, dhe Serbia ka frikë që në mos me shqiptare, me një shtet tjetër do ta kenë ata. Ky komb që ka probleme me të gjithë, ne si shqiptarët sipas analistëve kemi probleme me serbët, por serbët kanë probleme me ne, se ne nuk e kemi kaluar ndonjëherë kufirin tonë. Është në sjelljen e serbëve ky guxim, që nuk ka lidhje me diplomacinë”, tha Qafoku.

LEXONI GJITHASHTU:

• Djegia e flamurit në sheshin “Skënderbej”, Serbia notë proteste Shqipërisë
• Atmosferë e zjarrtë në Air Albania, shpaloset flamuri gjigant