Gazetari: KFOR mund ta gjejë shumë lehtë ku ndodhi rrëmbimi i 3 policëve të Kosovës

Policia e Kosovës deklaroi dje se tre pjesëtarë të policisë kufitare të saj u rrëmbyen nga forcat serbe në veri në zonën kufitare me Serbinë.

Në një video të publikuar nga Ministria e Brendshme e Serbisë, duken forcat e xhandarmërisë serbe të armatosur dhe me maska që shoqërojnë 3 policët, të cilëve u ishin lidhur duart nga prapa me pranga.

Gazetari Muharrem Kafexhiu tha në një intervistë për emisionin GoodMorning Albanians në Euronews Albania se KFOR është në gjendje ta gjejë shumë lehtë ku ndodhi rrëmbimi i 3 policëve të Kosovës.

“KFOR s’mund të japë deklarata të shpejta, ajo që është e rëndësishme KFOR janë në pritje të informatave shtesë. KFOR ka mundësi që të gjejë se ku ka ndodhur rrëmbimi. Edhe falë teknologjisë mund ta gjejë ku ka ndodhur dhe ku kanë kaluar ato makina. Sot gjatë ditës priten deklarata më konkrete. KFOR nuk mund t’i ikë kësaj situate”, tha gazetari.

LEXONI GJITHASHTU:

• Rrëmbimi i tre policëve të Kosovës në Veri, reagon presidenti Begaj
• Rrëmbimi i policëve në veri, Rama: Nuk po heshtim, po presim KFOR-in