Gazetari: Për pak muaj familja e Berishës do marrë një goditje nga SPAK

Gazetari Flogert Muça tha në Euronews Albania se ish-kryeministri Berisha po këmbëngul në çdo deklaratë të tij për të mos e njohur drejtësinë e re.

Ai tha se Berisha po e përdor edhe rastin e Fredi Belerit si një kauzë kundër drejtësisë së re, pavarësisht se kjo gjë sipas gazetarit “djeg” Shqipërinë.

Sipas Muçës arsyeja e ish-kryeministrit për të mos njohur drejtësinë e re është se ajo mund të prekë familjen e tij biologjike dhe këtë gjë do ta shikojmë në dy tre muajt ne vijim.

“Ne dimë pak nga dosja e Belerit. Ne nuk e dimë se çfarë po bën sot Prokuroria, nuk e dimë se më kë mund të komunikojë Beleri jashtë, nuk e dimë nëse ai mund të prishë provat nëse del jashtë. Në një pikë Sali Berisha është i sinqertë, në mosnjohjen  e sistemit të ri të drejtësisë.

Ai përdor çdo lloj çështje të mundshme, edhe Fredi Belerin, duke i hedhur benzinë një zjarri që nuk djeg Edi Ramën, por Shqipërinë, pasi halli i doktorit është se nuk duhet të legjitimohet SPAK dhe drejtësia e re. Ai e ka hallin te familja e tij, jo politike, por biologjike. Këtë do e shikojmë në dy apo tre muajt e ardhshëm. Edhe për aleatin e tij të ngushtë Ilir Metën”,-tha Flogert Muça.

LEXONI GJITHASHTU:

• Rishfaqet në publik gjenerali rus, ishte “zhdukur” që prej rebelimit të Wagner-it
• Nën vëzhgim për dy javë në Paris, si u arrestua i vetëm duke pirë kafe Behar Bajri