Gazetari: Pse SHBA, BE dhe Britania përgënjeshtruan Lulzim Bashën

Gazetari Romir Saraçi ishte këtë të mërkurë i ftuar në “Now me Erla Mëhillin” në Euronews Albania ku tha se “zgjimi” i ambasadave për të përgënjeshtuar deklaratat e Lulzim Bashës është disi i panevojshëm.

Ai tha se politika shqiptare është në këtë situatë pasi shpesh herë ambasadat “kanë mbyllur një sy ose një vesh” për qeverinë.

“Reagimet ishin nga ato herët e para ose të radha, që të reagojnë në unison përfaqësuesit ndërkombëtar për deklaratat e një politikani.  Ambasadat kanë marrë përsipër të përgënjeshtrojnë ato qëndrime të artikuluara publikisht nga zoti Basha. Sepse flasim për këtë lojën e reformës zgjedhore.

Do, bëhet , si do bëhet, të mos i vishet përgjegjësia faktorit ndërkombëtar të cilët normalisht që për vendin e tyre nuk e duan këtë situatë dhe këtë gjë, ndaj nuk mund ta konfirmojnë as për ne. Mua më duket një “zgjim i panevojshëm” i ambasadave.

Ne në këtë situatë jemi sepse presioni ndërkombëtar, karshi qeverisjes sonë ka qenë minimalist dhe ëhstë mbyllur një sy apo një vesh”,-tha Saraçi.

LEXONI GJITHASHTU:

• Përplasjet| Açka: S’mund të pranoj gjykimin e atyre që diploma u vjen era barut
• Përplasjet në Parlament, Saraçi: T’i vihet kyçi, po pengohet rruga e opozitës