Gazetarja kundër euros si monedhë kombëtare: Duhen mbi 10 vite

Gazetarja Mirilda Tili tha në një intervistë për “Good morning Albanians” në Euronews Albania se besonte se duhej një 10-vjeçar për të kaluar me euron si monedhë kombëtare.

Teksa po ndodh zhvlerësimi i ndjeshëm i euros, mes ekonomistëve ka lindur edhe diskutimi nëse duhet apo jo që monedha europiane të zyrtarizohet edhe si monedhë kombëtare në Shqipëri.

“Unë jam pro nëse do të kalohen hapat dhe etapat, që për mua do edhe një 10-vjeçar e sigurt, për mos të thënë më shumë, në rast se do të jetë akoma në treg monedha euro. Unë besoj që shumë shpejt me futjen e monedhave të reja, të koalicioneve të reja që po bëhen gjeopolitikisht në këtë tokën tonë, gjërat do të ndryshojnë,” – u shpreh gazetarja.

Trendi rënës mendohet se mund të ndryshojë gjatë muajve të vjeshtës dhe kjo për shkak të përfundimit të sezonit veror dhe largimit të emigrantëve.

LEXONI GJITHASHTU:

• Guxholli për rënien e euros: Është për të qeshur të thuash se u forcua leku
• Turisti: Sa themi jemi nga Kosova, kafja në Shqipëri na vjen 3 euro