Nga vijnë ilaçet e kontrabanduara në Shqipëri? Gazetarja zbulon skemën

Gazetarja Aida Topalli tha në “Good Morning Albanians” se ilaçet e kontrabanduara në vendin tonë vijnë kryesisht nga vendet e origjinës ku ata prodhohen.

Megjithatë ajo tha se grupet kriminale duke kuptuar se fitojnë shumë nga kontrabanda e ilaçeve ndonjëherë i marrin ato nga vende të tjera, por i shesin si ti kenë marrë nga vendi i prodhimit.

“Kryesisht kontrabandohen ilaçe ku nuk ka prodhime origjinale. Aty ku ka edhe mungesë tregu. Ilaçet e kontrabanduara kryesisht vijnë nga vendet e origjinës, jo vende specifike, ato janë nga Gjermania dhe nga vende të botës së zhvilluara.

Ato kontrabandohen për shkak se kërkohen mallra me cilësi më të mirë. Grupet kriminale e kuptojnë se nga kjo lloj kontrabande fitojnë shumë kështu që ata jo gjithmonë marrin kontrabandë nga vendet e zhvilluara, por i shesin si të tilla”,-tha gazetarja Topalli.

LEXONI GJITHASHTU:

• “17-vjeçarët marrin ilaçe kontrabandë”, Psikiatrja: Refuzojnë të shkojnë te mjeku
• “Grevë urie në 800 metra thellësi”, minatori: Mbi 200 grevistë duan ndihmë mjekësore