“Gërdeci”, mbahet sot seanca e rradhës. Mediu paraqitet në GJKKO

Ish-ministri i mbrojtjes Famtir Mediu është paraqitur këtë të mërkurë në GJKKO ku pritet të zhvillohet seanca e radhës për dosjen “Gërdeci”.

Ish-ministri i Mbrojtjes, Fatmir Mediu është vënë nën akuzë nga SPAK për çështjen “Gërdeci”, ku nga shpërthimi i ndodhur në fabrikën e municioneve atje, humbën jetën 26 persona.

Kujtojmë se Mediu po gjykohet në GJKKO për çështjen “Gërdeci” për dy akuza atë të “Shpërdorimit të Detyrës” dhe “Shpërdorim i detyrës në bashkëpunim me subjekt ushtarak-kuadër komandues”.

Ne seancat e zhvilluara së fundmi ishin thirrur nga SPAK për të dëshmuar shtetasit Shkëlzen Madani, Rezart Tershana, Zenun Fero, Dashnor Çaushi dhe Besnik Dauti.

LEXONI GJITHASHTU:

• “Gërdeci”| Ministria e Drejtësisë dërgon letërporosi në SHBA, çfarë kërkoi SPAK
• “Prita 16 vite për tu pyetur”, Mediu-dëshmitarëve: Mos heshtni për “Gërdecin”