“Gëzuar pavarësinë Shqipëria jonë”, Ministri Hasani mesazh urimi për shqiptarët

Ministri i Punëve të Jashtme Igli Hasani ka uruar më anë të një postimi në faqen e tij të gjithë shqiptarët me rastin e Ditës së Pavarësisë.

“Gëzuar pavarësinë Shqipëria jonë”,  shkruan ministri ndërsa më postimin e tij nuk lë pa përmendur disa nga vlerat e popullit shqiptar të cilat sipas tija janë janë burim frymëzimi e krenarie për breza shqiptarësh në Shqipëri, rajon e botë që sot shkëlqejnë në art, sport, diplomaci, teknologji e çdo punë të ndershme.

“Në 111-vjetorin e Pavarësisë së Shqipërisë , urime të përzemërta për të gjithë shqiptarët në mbarë botën!

Modeli ynë i bashkëjetesës, dialogut, mikpritjes e tolerancës, vendosmëria për të parë përpara e ringritur pas çdo vështirësie me kokën lart, janë burim frymëzimi e krenarie për breza shqiptarësh në Shqipëri, rajon e botë që sot shkëlqejnë në art, sport, diplomaci, teknologji e çdo punë të ndershme.

Këto vlera janë dhe themeli i punës dhe angazhimit tonë të palëkundur si faktor stabiliteti e orientimi euroatlantik në rajon, duke e bërë Shqipërinë të njihet sot si një kontribuuese e respektuar në arenën ndërkombëtare.

Gëzuar pavarësinë Shqipëria jonë!”

LEXONI GJITHASHTU:

• 2 gëzime në 1 ditë! Çifti nga Australia feston 15-vjetorin në ditën e Pavarësisë
• 111-vjetori i Pavarësisë/ Policia e Shtetit mesazh urimi për Ditën e Flamurit