Girona e pamposhtur në Spanjë, merr kryesimin e kampionatit

Kampionati spanjoll ka një udhëheqëse të re dhe ajo është Girona e cila në 7 javë të luajtura ka grumbulluar 19 pikë. Edhe në ndeshjen e fundit të luajtur, skuadra e udhëhequr nga Mikel arriti të merrte 3 pikët, me përmbysje. Villareal kaloi në avantazh me Parejo në minutën e 49’, teksa në vijim Dovbik e Garcia përmbysën rezultatin në 1-2. Në 5 ndeshjet e fundit, Girona i ka të gjitha fitore, ndërsa së bashku me Barcelonën janë të vetmet të cilat nuk kanë humbur asnjë sfidë.

Humbja në derbin me Atletikon, nuk ka ndikuar aspak në formë ne Realit të Madridit, i cili u rikthye sërish tek fitorja. Brahim Diaz dhe Joselu shënuan në triumfin ndaj Las Palmas. 33-vjeçari ka shënuar 3 gola në këtë sezon të ri të kampionatit spanjoll, ndërsa ka asistuar 1 herë.

Real Sociedad ka marrë fitoren e dytë radhazi dhe të tretën në kampionat, ndërsa numëron 12 pikë deri më tani. Kundërshtari i radhës ishte Valencia, në një përballje pa shumë pa shumë raste, ndërsa i vetmi gol i sfidës erdhi në minutën e 32’ nga Fernandes. Dy përballjet e tjera, Bilbao-Getafe dhe Cadiz-Rayo u mbyllën në barazim.

LEXONI GJITHASHTU:

• Grabitet shtëpia e Ramos, hajdutët marrin ora luksoze dhe sende me vlerë
• Mori 300 mijë paund në shtëpinë e Sterling, autori dyshohet se fshihet në Shqipëri