“Gjenerata 88”- Profili i autorit të masakrës në Serbi, simboli i Hitlerit në bluzë

“Nuk do ta shoh më dritën e diellit” ky ka qënë reagimi i ashpër i presidentit të Serbisë Aleksandër Vucic pas arrestimit të 21 vjecarit Urosh B, i cili vrau 8 persona dhe plagosi 14 të tjerë. Masakra e dytë e shënuar në Serbi brenda 48 orësh.

Vucic doli në një deklaratë për media, duke ndarë detaje të reja nga arrestimi i 21-vjecarit, të cilin autoritetet e vunë në pranga pas 9 orësh kërkim.

Sipas Vuçiç autori i masakrës së përgjakshme ka deklaruar para autoriteteve se vrasjet i kreu nga urrejtja dhe përçmimi.

Mediat vendase shkruajnë se në pamjen dhe veshjen e vrasësit bie në sy veçanërisht një detaj. Në bluzën e tij shkruhet “Gjenerata 88”.

Duke iu referuar pikërisht këtij simboli, Presidenti Vuçiç në fjalimin e tij  tha se përshëndetja e brezit të 88-ës është përshëndetje e Hitlerit.

Nga ana tjetër fqinjët e kanë cilësuar si një djalë të ri paksa të çuditshëm, por që askush nuk i ka kushtuar rëndësi të veçantë.

Këmbanat e kishës në fshatin Dubonë afër Mlladenovcit ku ndodhi ngjarja kanë rënë vazhdimisht për 10 minuta në nder të viktimave. Ndërsa të afërm të tyre shprehen se nuk e njihnin autorin e kësaj masakre.

Uroš B. dyshohet se ka qenë në oborrin e shkollës me shokët e tij para sulmit të përgjakshëm, por menjëherë pas një përleshje ka shpërthyer dhe i riu ka shkuar në shtëpi, ka marrë një armë dhe ka filluar të qëllojë mbi njerëzit.

LEXONI GJITHASHTU:

• Momentet e tmerrit në Serbi, banorët mbyllën shtëpitë dhe nuk shkuan në punë
• Tjetër tragjedi në Serbi, 8 të vrarë dhe të tjerë të plagosur nga sulmi me armë
• 600 policë në kërkim të tij, arrestohet 21-vjeçari që vrau 8 persona në Serbi