Gjermania bën autokritikë, panzerat triumfojnë ndaj Francës

Pas largimit të Hansi Flick, Gjermania ka arritur të gjejë fitoren e parë në një miqësore, ndërsa 5 përballjet e mëparshme ishin mbyllur me rezultate negative. Në Dortmund, panzerat triumfuan 2-1 ndaj Francës, duke bërë një autokritikë për paraqitjet e mëparshme. Përpara 61 mijë të pranishmëve, gjermanët zhvilluan një ndeshje jo perfekte, por me diferenca dukshëm nga ato të mëparshmet duke ngritur madje dhe dyshime.

Muller zhbllokoi rezultatin në minutën e 4-ët, me vendësit që e mbyllën fraksionin e parë në avantazh. Trikolorët vijuan sulmet e njëpasnjëshme, por e patën të pamundur të barazojnë, ndërsa 3 minuta para fundit ishte Leroy Sane ai që dyfishoi rezultatin. Një 11 metërsh në minutën e 89’ do të ekzekutohej saktë nga Griezmann, që mposhti Ter Stegen. Gjatë 90 minutave, loja foli më tepër për gjelat, por loja defensive e Gjermanisë dha rezultat, ndërsa Vëler mori fitoren e parë, si trajner i përkohshëm.

Në mediat gjermane ka pasur reagim të menjëhershëm për këtë përballje, duke ngritur dyshime se rezultatet e mëparshme të Gjermanisë ishin të qëllimshme. Sipas tyre thuhet se arsyeja ishte Hansi Flick, i cili kishte sjellë një atmosferë jopozitive dhe përcarëse në grupin e futbollistëve. Menjëherë pas largimit të tij, u pasqyrua një lojë më pozitive tek panzerat, të cilët janë vendi pritës i Euro 2024. Me lukasin e organizatorit, kanë të drejtë që të gjitha përballjet ti zhvillojnë në kuadrin e miqësoreve.

LEXONI GJITHASHTU:

• Emigrantët dërguan 444 mln euro, fluks i madh nga Gjermania e Anglia
• I përjashtuar nga kombëtarja, Gjermania rikthen kampionin e botës