“Gjermania po na bën presion për Kosovën”, Vuçiç: Ministrja e Jashtme, lobim për KiE

Aleksandar Vuçiç thotë se Gjermania është vendi i Bashkimit Europian që po ushtron më shumë presion ndaj Serbisë për Kosovën.

Në një intervistë për median serbe, Vuçiç deklaroi se ministrja e jashtme e Gjermanisë, përfaqëson për të modelin klasik të presionit të fuqive të mëdha ndaj Serbisë.

“Kam folur disa herë më ministren Gjermane, Annalena Baerbock. Nuk mendoj se ajo është e paedukuar dhe jo e zgjuar, përkundrazi. Por mendoj se ata jetojnë në botën e tyre dhe nuk e shohin realitetin. Ishte Gjermania që shtoi presionin ndaj Islandës për të hyrë në Këshillin e Europës. Presidenti i Islandës tha hapur se nuk donte, por ishte presioni i të tjerëve”, tha Vuçiç.

Presidenti serb deklaroi se Serbia nuk ka bërë asnjë lëshim për Kosovës dhe se gjatë qeverisjes së tij janë hequr disa njohje. Ai akuzoi opozitën serbe dhe pse ka retorikë më të ashpër për Kosovën, nëse vjen në pushtet do të ndihmojë në njohjen e saj.

LEXONI GJITHASHTU:

• Vuçiç akuzohet për blerje votash, partia e presidentit me call center
• Zgjidhet shefi i inteligjencës në Serbi, kush është i besuari i Vuçiç