Gjinekologia: Mbi 50% e shtatzanive ndodhin pa plan, duhen bërë analizat periodike

Gjinekologia Elinda Gjata thotë se sipas raportimeve shkencore, mbi 50%e shtazanive ndodhin pa u planifikuar.

Në emisionin “Good Morning Albanians” në Euronews Albania, Gjata u shpreh se ështëe nevojshme që të kryhen analizat dhe kontrollet periodike.

Ndër të tjera, Gjata nënvizoi se bërja e kontrolleve dhe analizave periodike duhet të jetë në kulturën tonë të përgjithshme.

“Shumica e shtatzanive, sipas raportimeve shkencore, mbi 50% arrijnë papritur, pa u planifikuar. Bërja e kontrolleve dhe analizave periodike duhet të jetë në kulturën tonë të përgjithshme. Ne nuk jemi mësuar që të shkojmë te mjeku po nuk patëm shqetësime.

Para shtatzanisë, unë vë re që ka një rritje të ndërgjegjësimit dhe të kërkesave që vijnë dhe të bëjnë këshillimin para se të konceptojnë një shtatzani, pra të gjithë kujdesin e duhur”, theksoi ajo.

LEXONI GJITHASHTU

• Pse nënat mbi 35 vjeçe rrezikojnë më shumë gjatë shtatzanisë
• Risi, një aplikacion që ndalon imazhet me abuzimin e fëmijëve

• Deti i Vlorës tërhiqet më shumë se vitet e kaluara, pse po ndodh kjo zbaticë?