Mbrëmjen e së mërkurës Obelisku i Arsimit në Gjirokastër ka qenë pjesë e një instalacioni artistik me ndriçim, i cili evidentoi vlerat e këtij monumenti edhe për turistët.
Instalacioni vazhdoi përgjatë gjithë mbrëmjes duke i falur Obeliskut të gurtë një simbolikë dhe imazh të veçantë.
Për afro dy dekada artisti Florian Çanga ka realizuar instalacione dhe projeksione artistike me ndriçim në qytete të ndryshme por për të Gjirokastra është e veçantë.
“Kam rreth 18 vite që merrem por në Gjirokastër në mënyrë të dedikuar në këtë monument kjo është hera e parë dhe është interesante sepse vetë pozicionimi gjeografik i monumentit është shumë i favorshëm dhe për mua dhe për qytetin.”-tha ai.
Kodra e Obeliskut, simbol i dijes dhe kulturës tashmë po kthehet në qendër të organizimit të aktiviteteve artistike duke përfshirë edhe artin bashkëkohor.
Artisti mendon të rikthehet sërish në qytetin e gurtë me instalacione të reja, për të evidentuar trashgiminë kulturore dhe vlerat muzeale të Gjirokastrës.
LEXONI GJITHASHTU:
- Gjirokastra feston 19-vjetorin si pjesë e UNESCO
- Gjirokastra e kalldrëmeve/ Rrugët e zonës historike vishen me qylymat e gurtë
